06 наурыз 2019 Универсиада-2019: Шорт-трек ерлер құрамасы үздік үштікке ілінді
Ресейде өтіп жатқан Универсиада ойындарында Қазақстан қоржынына төртінші медаль түсті.
Шорт-тректен Қазақстан ерлер командасы эстафетада үштікке енді. Финалда Оңтүстік Корея, Ресей, Жапония және Қазақстан құрамалары өзара мықтыны анықтады. Мәре сызығын алғашқы болып кескен кәріс спортшылары алтыннан алқа тағынса, Ресей құрамасы екінші орын алды. Ал Қазақстан құрамасы үздік үштікті түйіндеді.
Жапония құрамасы үшін орын алған, алайда төрешілер ереже бұзылғанын анықтағаннан соң қола Қазақстанның қоржынына өтті.
Бүгін шорт-тректен әйелдер командасы қола жүлдені жеңіп алған болатын. Сондай-ақ, шаңғышы Әсет Дүйсенов спринтерлік сында бақ сынап, күміске қол жеткізді. Ал фристайлдан Жанбота Алдабергенова қола жүлдегер атанған еді.
Qsport.kz xабарлайды
Ойлағаннан да жақын
Біздің серіктестеріміз
