09 наурыз 2019 Элизабет Тұрсынбаева Универсиадада күміс медаль жеңіп алды
Красноярск қаласында өтіп жатқан қысқы Универсиада ойындарында Қазақстан қоржыны тағы бір медальмен толықты. Элизабет Тұрсынбаева мәнерлеп сырғанаудан күміс жүлде жеңіп алды, деп хабарлады Ұлттық олимпиада комитеті.
Қысқа бағдарламадан соң жерлесіміз төртінші орынға табан тіреген. Еркін бағдарламаны еш қатесіз орындаған ол жалпы есепте екінші орынға көтерілді.
Тұрсынбаева өзінің екі рекордын жаңартты. Еркін бағдарламадан алғаш рет 147.20 ұпай иеленсе, қоссайыс қорытындысы бойынша 214.77 ұпайға қол жеткізді.
Алтын жүлдені жапон Маи Михара (220.68), қоланы ресейлік Станислава Константинова (205.91) жеңіп алды.
Тағы бір қазақстандық спортшы Айза Мамбеква 124.41 ұпаймен 17-ші орыннан көрінді.
sputniknews.kz сайты хабарлайды
Ойлағаннан да жақын
«Алау» Мұзайдыны сарайы» Еуразия континентінің орталығында, Қазақстан Республикасы астанасы – Нұр-Сұлтан қаласында, Қабанбай батыр даңғылы 47 мекенжайы бойынша орналасқан