25 қараша 2018 Astana Figure Skating Cup – 2018
Мәнерлеп сырғанау бойынша Астана қаласының «Astana Figure Skating Cup – 2018» ашық кубогы
Желтоқсанның 5-6 аралығында «Алау» мұз айдыны сарайында «Astana Figure Skating Cup – 2018» конькимен мәнерлеп сырғанау бойынша Астана қаласының ашық Кубогы өтеді. Іс-шара Астана қаласының мәдениет және спорт басқармасы, Астана қаласы әкімдігінің «Алау» Мұзайдыны сарайы» МКҚК, Астана қаласы әкімдігінің «Спорттық-бұқаралық іс-шараларды өткізу дирекциясы» КММ қолдауымен ұйымдастырылып отыр.
Мәнерлеп сырғанау спортының төрт түрі бар: конькимен сырғанау (ерлер мен әйелдер), жұптасқан коньки, спорттық би және синхрондалған конькимен сырғанау.
1891 жылдан бастап мәнерлеп сырғанаудан Еуропа чемпионаты, 1896 жылдан бастап - әлем чемпионаты өткізілді. Біріншісі 1896 жылы Ресейдің астанасы Санкт-Петербургте өтті.
Бұл спортты дамытуды 1892 жылы негізі қаланған Халықаралық конькимен сырғанау одағы - ISU басқарады. 1924 жылдан бастап мәнерлеп сырғанау қысқы Олимпиада ойындарына енгізілген.
Іс-шарның өткізілу мақсаты мен міндеттері:
- дене шынықтыру, спорт және салауатты өмір салтын насихаттау;
- мәнерлеп сырғанаушылардың спорттық шеберлік деңгейін арттыру;
- мықты спортшыларды анықтау;
- жаттықтырушылар арасында тәжірибе алмасу.
- бағдарламаны орындау.
Қатысушылар:
Жарысқа конькимен мәнерлеп сырғанауды дамытатын клубтар мен спорттық мектептер қатысады. Жарысқа медициналық тексеруден өткен спортшылар жіберіледі.
Марапаттау:
Жарыс жүлдегерлері медальдармен, дипломдармен және естелік сыйлықтармен, қалған қатысушылар естелік сыйлықтармен марапатталады.
Конькимен мәнерлеп сырғанау сайысына еліміздің түкпір-түкпірнен яғни 16 облыстан мәнерлеп сырғану сортшылары келіп қатысатын болады.
Қазақстан Республикасының 16 облыстарының командалары:
- Ақмола облысы
- Ақтобе облысы
- Алматы облысы
- Алматы қаласы
- Атырау облысы
- Батыс Қазақстан облысы
- Жамбыл облысы
- Шығыс Қазақстан облысы
- Караганды облысы
- Қостанай облысы
- Қызылорда облысы
- Маңғыстау облысы
- Оңтүстік Қазақстан облысы
- Павлодар облысы
- Солтүстік Қазақстан облысы
- Астана қаласы
Жарыс 2018 – 2019 жж. маусымға арналған бірыңғай Республикалық жіктемеге және ISU ережелеріне сәйкес ұлдар мен қыздар арасында конькимен жеке сырғанау бойынша өткізіледі.