11 мамыр 2018 «Алау» мұзайдыны сарайында Жазғы спорт орталығы ашылады
12 мамырда мұзайдын сарайында жазғы спорттық орталығы ашылады. Бірінші күні ойын-сауық, конкурстар мен лотереялар өткізіледі. Шараның басталуы 12:00-де, деп хабарлайды Астана қаласы әкімдігінің ресми сайты.
Келушілер үстел теннисі, бадминтон және мини-гольфтен өз машықтарын шыңдауға мүмкіндік алады. Балаларға арналып батут орнатылады. Ролик тебуді сүйетіндерге арналып 400 метрлік жол жұмыс істейді, ал коньки тебуді ұнататындарға хоккей корты жұмыс істейді.
Ал орталыққа келуші кішкентай балаларға арналған көмек құралы және жарақаттан сақтану жабдықтары беріледі.
Жұмыс күндері сағат 18.00-ден 21.00-ге дейін үш сағаттық сеанс өткізіледі. Демалыс және мереке күндері ұзақтығы бес сағат болатын 2 сеанс өткізіледі, сағат 10:00-15:00 аралығында және 17:00-22:00 аралығында.
Дүйсенбі – техникалық күн.
Ақпарат көзі: astana.gov.kz